«М.Б.Ықсанов атындағы жалпы орта білім беретін мектеп» КММ
0
BOOKCROSSING акциясы

Ағымдағы жылдың 12-14 желтоқсан күндері аралығында ашық есік күні аясында  мектебімізде Букроссинг акциясы насихатталды.   

Ағымдағы жылдың 12-14 желтоқсан күндері аралығында ашық есік күні аясында  мектебімізде Букроссинг акциясы насихатталды.   Буккроссинг (ағылшын тілінде «кітаптың айналыста жүруі) - «өзің оқысаң, өзгеге табыс ет» қағидасына негізделген хобби мен адам және кітап арасынд жақындататын, кітап оқуға шақыратын қоғамдық қозғалыстардың бірі. Буккроссингтің ережесі бойынша, кез-келген адам өзі оқып бітірген бір кітабын қоғамдық көпшілік орындарда (саябақ, кафе, кітапхана және т.б.) қойып кете алады, кейін бұл кітапты тауып алған басқа адам оқиды, оқып болған соң, ол да сол кітапты орнына тастап кетеді, дәл осылай ол кітапты басқа оқырман оқи алады. Бұл қоғамдық қозғалысқа қатысушыларды - “буккроссерлер” деп атайды. 

 

Мақсаты: Оқушылар арасында кітап оқуды насихаттау, кітап оқуға қызығушылықтарын арттыру.

 

Негізі, «буккроссингтің» басты мақсаты ол- үйімізде шаң тозаң болып жатқан немесе оқылған кітаптарға «екінші өмір сыйлау». Буккроссингтің мақсаттары- оқырмандар арасында «кітап алмастыру» акциясын жүргізу; әр түрлі жастағы оқырмандарды кітап оқуға шақыру;кітапханаға оқырмандарды тарту; күнделікті өмірдегі әр оқырманның кітап оқу әрекетін танымал етуге өз үлесін қосу; әлемді үлкен кітапханаға айналдыру;

 

Шара  барысында  мектептің 1,2 сынып оқушылары мен ата аналарына акция мақсаты, тарихы, бағыты түсіндіріліп, насихатталды. Кітапты алмастырып оқуға шақырылды.